-
-
-
-
बागलुङ । जिल्ला प्रहरी कार्यालय बागलुङले बैंकिङ कसुर मुद्दामा फरार रहेका एक जनालाई आज पक्राउ गरेको छ ।
पक्राउ पर्नेमा बागलुङको गल्कोट नगरपालिका वडा नं. १ दुदिलाभाटीका ५७ वर्षीय जंगबहादुर पुन रहेका छन् ।
प्रहरीका अनुसार पक्राउ परेका पुन अदालतबाट पाँच दिन कैद र १२ लाख ५५ सय रुपैयाँ जरिवाना तोकिएका थिए । त्यसै दिनदेखि पुन फरार रहेका थिए ।
पक्राउ परेका पुनलाई फैसला कार्यान्वयनका लागि बागलुङ जिल्ला अदालत बागलुङ पेश गरिएको प्रहरीले जनाएको छ ।
