मुग्लिङ । नारायणगढ मुग्लिङ सडकखण्ड अन्तर्गत कालीखोलामा यात्रुबाहक बस दुर्घटना हुँदा १९ जनाको मृत्यु भएको छ ।
उद्दारमा संलग्न एसपी बसन्त कुँवरका अनुसार १९ जनाको शव प्राप्त भइसकेको छ ।
१३ जना घाइतेलाई उद्दार गरी भरतपुर अस्पतालमा पठाइँदै छ ।
चितवन जिल्ला प्रहरी कार्यालयका अनुसार बिहान पौने ५ बजेतिर भएको सो घटना जुगेडी र सिमलटारको बीचतिर कालीखोलाको चण्डिभञ्ज्याङमा दुर्घटना भएको हो ।
बस दुर्घटना भई त्रिशुली नदीमा डुबेको छ ।
ग १ ख ३७०९ नम्बरको बस गौरबाट पोखरा जाँदै गरेको थियो ।
बसमा अधिकांश युवा सवार थिए ।
