-
-
-
-
काठमाडौं । गत असार २७ गते सोमबारदेखि बसिरहेको नेपाली कांग्रेस केन्द्रीय कार्यसमितिको बैठक जारी नै रहेको छ । पार्टी मुख्यालय वीपी स्मृति भवन, वीपी नगर, सानेपामा बसिरहेको बैठकमा शुक्रबार भने छुट्टी दिइएको छ । सोमबार, मंगलबार, बुधबार र बिहीबार गरी लगातार चार दिन बसेको बैठकले शुक्रबार भने विश्राम लिएको हो । अब बैठक शनिबार मात्रै बस्नेछ ।
बिहीबारको बैठकमा केन्द्रीय सदस्यहरु गोपालमान श्रेष्ठ, विमलेन्द्र निधी, विजयकुमार गच्छदार, कृष्णप्रसाद सिटौला, अर्जुननरसिंह केसी, सुनिलबहादुर थापा, बलबहादुर केसी, डा. नारायण खड्का, अम्बिका बस्नेत, सुरेन्द्रराज पाण्डे, मिनाक्षी झा, सुजाता परियार, चिनकाजी श्रेष्ठ, ध्यानगोविन्द रञ्जित, रमा कोइराला (पौडेल), अर्जुनजंगबहादुर सिंह, उमेश श्रेष्ठ, मञ्जुकुमारी यादव, जानकी सिंह, सुशीला भट्ट मिश्र, गंगालक्ष्मी अवाल, सीताकुमारी राना र सुशीला ढकाल (आचार्य) ले आ–आफ्नो धारणा राखेका थिए ।
यसअघिको बैठकमा सरकारमा गएका मन्त्रीहरुको आलोचना भएपछि बिहीबार केही मन्त्रीसमेत रहेका केन्द्रीय सदस्यहरुले समग्रमा बोलेका थिए ।
