सान्टियागो । स्पेनिश लिग फुटबल ला लिगामा रियल मड्रिड विजयी भएको छ । रियलले सान्टियागो बर्नाबाउमा भएको खेलमा सेल्टाभिगोलाई २–१ ले हरायो ।
रियललाई जिताउने क्रममा खेलको ६० औं मिनेटमा अल्भारो मोराटाले पहिलो गोल गरे । तर त्यसको ७ मिनेटमै फाबियन ओलेलानको गोलबाट सेल्टाभिगोले बराबरी गर्यो ।
८२ औं मिनेटमा टोनी क्रुसले गोल गर्दै रियललाई जिताए । योसंगै फ्रेन्च प्रशिक्षक जिनेजिन जिदानको टिममा प्रभाव राम्रै पर्दै गएको छ ।
उनले रियलका पूर्व खेलाडी हुनुको नाताले मेहनत गर्दै गएका छन् ।
लिगको अर्को खेलमा नवप्रवेशी लेगानेसले एथलेटिको मड्रिडलाई गोलरहित बराबरीमा रोको छ ।
