लण्डन । इङलिश प्रिमियर लिग फुटबलमा म्यानचेष्टर सिटी शीर्ष स्थानमा उक्लिएको छ । आइतबार राति आफ्नै मैदानमा खेलेको सिटीले वेष्टह्याम युनाइटेडलाई ३–१ ले हराउँदै सतप्रतिशत नतिजासहित शीर्ष स्थानमा उक्लिएको हो ।
म्यानचेष्टर सिटीका लागि खेलको सातौं मिनेटमै रहिम स्टर्लिङले गोल गर्दै प्रारम्भिक अग्रता दिलाए । १८ औं मिनेटमा फर्नान्डिन्होले गोल गर्दै अग्रतालाई दोब्बर पारे ।
५८ औं मिनेटमा मिखाइल एन्टोनियोले गोल गर्दै वेष्टह्यामलाई बराबरीमा ल्याए ।
९० औं मिनेटमा स्टर्लिङले व्यक्तिगत दोस्रो गोल गर्दै सिटीलाई शानदार जित दिलाए ।
यो जितले म्यान्चेष्टर सिटी अंक तालिकामा गोल अन्तरमा चेल्सी र म्यानचेष्टर युनाइटेडलाई पछाडि पार्दै ९ अंकका साथ शीर्ष स्थानमा उभिएको हो ।
