लण्डन । इङलिश प्रिमियर लिग फुटबल खेलाडी सर्जिओ अगुएरोमाथि तीन खेलके प्रतिवन्ध लागेको छ । म्यानचेष्टर सिटीका खेलाडी अगुएरोले आइतबार राति वेष्टह्याम युनाइटेड विरुद्धको खेलका क्रममा वेष्टह्यामका डिफेन्डर विन्स्टन रेडलाई कुहिनाले मुखमा हानेपछि रेफ्रीले उनलाई तीन खेलको प्रतिवन्ध लगाएका हुन् ।
खेलको ७६ औं मिनेटमा अगुएरोले सो घटना गराएका थिए ।
यो कार्वाहीपछि अगुएरोले म्यानचेष्टर डर्बीमा म्यानचेष्टर युनाइटेड विरुद्ध खेल्ने सम्भावनासमेत टरेको छ ।
यो घटनापछि म्यानचेष्टर सिटीका म्यानेजर पेप ग्वार्डिओलाले आफूले त्यो दृष्य नदेखेकाले कुनै प्रतिक्रिया नजनाउने बताए ।
