सान मामेज । साविक विजेता बार्सिलोनाले स्पेनिश लिग ला लिगामा लगातार दोस्रो जित हासिल गर्दै अंक तालिकामा दोस्रो स्थानमा उक्लिएको छ ।
आइतबार राति भएको खेलमा क्याटालान्स टिमले एथलेटिक बिलबाओलाई १–० ले हराएको हो ।
बिलबाओको मैदानमा भएको खेलमा बार्सालाई जिताउन लुइस सुवारेजको उत्कृष्ट क्रसमा इभाँ राकिटिक्ले २१ औं मिनेटमा गोल गरेका हुन् ।
त्यसपछि सुवारेजले प्रयास गरे पनि गोल गर्न सकेनन् । त्यस्तै बिलबाओका मिडफिल्डर बेनाटले राम्रो प्रहार गरे पनि केही इन्चमात्र टाढाबाट बल बाहिरियो ।
यो जितले गोल अन्तरमा पछि पर्दै बार्सा दोस्रो स्थानमा रहेको हो ।
समान ६ अंक भए पनि गोल अन्तर राम्रो हुँदा लस पल्मस शीर्ष स्थानमा छ । रियाल मड्रिड ६ अंकबाटै तेस्रो स्थानमा छ ।
आइतबार रातिको अर्को खेलमा भिल्लारियल र सेभिल्लाले गोलरहित बराबरी खेलेका छन् ।
