काठमाडौं । राष्ट्रपति विद्यादेवी भण्डारी समक्ष नेपालका लागि श्रीलङ्का, इक्वेडर, स्लोभानिया र मौरिससका नवनियुक्त राजदूतले आ–आफ्नो ओहोदाको प्रमाणपत्र पेस गरेका छन् ।
राष्ट्रपति भवन शीतल निवासमा आयोजित विशेष समारोहमा श्रीलङ्काका वेलेज स्वारनलानथ परेरा, इक्वेडरका मेन्तोर प्याट्रिसिया भिलागोमेज मोरिनो, स्लोभानियाका जोजेफ ड्रोफेनिक र मौरिससका जगदीश्वर गोबर्धनले आआफ्नो ओहोदारको प्रमाणपत्र पेस गर्नुभएको राष्ट्रपति कार्यालयले
जनाएको छ ।
उनीहरु मध्ये परेरा नेपालका लागि आवासीय तथा अरु भारतका लागि आवासीय र नेपालका लागि गैरआवासीय राजदूत हुन् । सो अवसरमा परराष्ट्रमन्त्री डा प्रकाशशरण महतलगायत सहभागि थिए ।
