काठमाडौं । राष्ट्रिय खेलकुद परिषद् (राखेप) का कर्मचारीहरु अब प्रदेश खेलकुद मातहत रहने भएका छन् । आइतबार बसेको राखेपको बोर्ड बैठकले परिषद् अन्तर्गत रहेका कर्मचारीलाई प्रदेश खेलकुद मातहात रहने गरी काम गराउने निर्णय गरेको हो ।  

बोर्ड बैठकले अर्को व्यवस्था नभएसम्मका लागि विभिन्न जिल्लामा रहेका कर्मचारी प्रदेश खेलकुद मातहत रहने गरी काम गराउने निर्णय गरेको हो । 

बैठकले गण्डकी प्रदेशमा हुने नवौं राष्ट्रिय खेलकुदलाई भब्य रुपमा सफल पार्न सबै प्रदेश र केन्द्र एकसाथ अघि बढ्ने निर्णय गरेको छ । खेलाडीहरुको दैनिक भत्ता पनि बढेको छ । 

यस्तो छ बोर्ड बैठकका निर्णयसहितको विज्ञप्ति–
प्रेस विज्ञप्ती
पत्रकार बन्धुहरु
राष्ट्रिय खेलकुद परिषदको ११३ औ बैठक माननीय युवा तथा खेलकुद मन्त्रीज्यूको अध्यक्षतामा आज मिति २०७९÷०४÷१५ गते बस्यो । 
–    बैठकमा परिषद्को आ.व. २०७९÷०८० को बार्षिक योजना, कार्यक्रम तथा बजेट पारित गरियो । 
–    नवौं राष्ट्रिय खेलकुद २०७९ को सम्वन्धमा 
–खेलाडी तथा अफीसियललाई दैनिक रु २००० भत्ता दिने
–प्रदेश छनौटका लागि आवश्यक बजेट उपलव्ध गराउने
–सम्वन्धित जिल्ला तथा प्रदेशका खेलाडीहरुले मात्र सम्वन्धित टीममा सहभागि हुनु पर्ने
–   प्रदेश तथा विभागिय टीमहरुले भदौ १५ गते सम्म खेलाडीको संख्या र २५ गते सम्म नाम दर्ता गराई सक्नु पर्ने 
–    प्रत्येक टिमबाट खेलाडी महिला ३३९ र पुरुष ३६९ कोटा निर्धारण गरियो
–    ३६ खेलमा प्रतिष्पर्दा हुने छ भने २ वटा खेलको प्रर्दशनी हुने छ 
–    खेलईभेन्टस् ४०७ 
 –   टीम ११ वटा हुने छन् । 
–    प्रतियोगिताको एकल प्रतिष्पर्दामा स्वर्णपदक विजेत खेलाडीलाई नगद रु २५ हजार,टीम ईभेन्टमा स्वर्ण विजेतालार्ई रु १५ हजार तथा नयाँ राष्ट्रिय रेकर्ड राख्ने खेलाडीलाई रु ५० हजार उपलव्ध गराउने । 
–    प्रतियोगिताको मूल ट्रफी प्रधानमन्त्रीज्यूबाट सार्वजनिक गरिने तथा ट्रफीलाई सातै प्रदेश तथा तीन विभागिय टोलीको मुख्यालयमा प्रर्दशन गरिने । 
–   परिषदको कर्मचारी सेवा,शर्त सम्वन्धी विनियम तयार गर्न परिषद सदस्य प्रकाश कुसारीको संयोजकत्मा समिति गठन
–    परिषदको भौतिक संरचना तथा सम्पती यकिन तथा प्रदेशमा हस्तान्तरण सम्वन्धी परिषद सदस्य अन्जन धमलाको संयोजकत्वमा समिति 
–    खेल संघ विवाद सहजिकरणमा उपाध्यक्ष शिव कोईरालाको संयोजकत्वमा समिति गठन ।  
–    परिषद अन्तर्गत कार्यरत कर्मचारीहरुलाई अर्को व्यवस्था नभए सम्मका लागि कामकाज गर्न प्रदेश खेलकुद संरचनामा पठाईने । 
–   २०२३ मा हुने चौधौं साग, २०२३ मा हुने १९ औ एशियाली खेलकुद,२०२४ मा पेरिस ओलम्पिक, २०२६ मा शितकालिन ओलम्पिक र २०२६ को डकार युथ ओलम्पिक गेम्सका तयारीका लागि बजेट व्यवस्था तथा तयारी गर्ने ।
–    ओ एन्ड एम सर्भे समिति गठन ।
–    खेलाडी छात्रवास निर्माण ।
–    मूलपानीमा एनएससी फिट्नेस सेन्टरको स्थापना गर्ने ।