परराष्ट्र मन्त्री महत र भारतीय राजदूतबीच छलफल

प्रकाशित मिति : २०७३ भदौ १५ बुधबार
तस्वीर –वेब
काठमाडौं । परराष्ट्र मन्त्री डा. प्रकाशशरण महत र नेपालका लागि भारतीय राजदूत रञ्जित रेबीच परराष्ट्र मन्त्रालयमा छलफल भएको छ । दुवैबीच प्रधानमन्त्री पुष्ककमल दाहालको भारत भ्रमणको तयारीबारेमा छलफल भएको जनाइएको छ । 
 
प्रधानमन्त्री दाहालले यही भदौ ३० गते भारतको औपचारिक भ्रमण गर्दैछन् । यसअघि प्रधानमन्त्रीका विशेष दूतका रुपमा उपप्रधान तथा गृहमन्त्री विमलेन्द्र निधि भारत गएका थिए । 
 
त्यतिबेला परराष्ट्र मन्त्री नतोकिएकाले समस्या पैदा भएको थियो । अहिले परराष्ट्र मन्त्री तोकिएपछि भारतलाई पनि एजेन्डा तय गर्न सजिलो भएको छ । बैठकअघि मन्त्री महतले प्रधानमन्त्री दाहालको भारत भ्रमणमै केन्द्रित रहेर छलफल हुने बताएका थिए । 
 
आजै मन्त्रीपरिषदको बैठक पनि डाकिएको छ । 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ