एजेन्सी । ब्राजिलियन डिफेन्डर डेभिड लुइस पुनः इङ्लिश क्लब चेल्सीमा फर्किएका छन् । २९ वर्षीय लुइसलाई चेल्सीले पेरिस सेन्ट जर्मेन पीएसजीबाट ३४ मिलियन युरोमा पुनः क्लबमा भित्र्याएको हो ।
लुइसलाई चेल्सीले ३ वर्षको लागि अनुबन्ध गरेको छ । उनी पीएसजी अगाडि चेल्सीसँगै आवद्ध थिए । लुइसलाई चेल्सीले २०११ मा पहिलोपटक अनुबन्ध गरेको थियो ।
लुइस चेल्सीसँग आवद्ध हुँदा चेल्सीले २०१२ को च्याम्पियन्स् लिग र एफए कपको उपाधि जितेको थियो भने त्यसको एक वर्ष पछि युरोपा लिगको उपाधि जितेको थियो ।
चेल्सीका लागि ८१ खेल खेलिसकेका लुइसले ६ गोल गरेका छन् । चेल्सीमा लुइसको पुनारागमनले धेरै दर्शकमा खुशी ल्याएको छ ।
