लिड्स। पाकिस्तान विरुद्धको चौथो एक दिवसीय त्रिकेट पनि जितेर इङल्याण्ड घरेलु मैदानमा क्लिनस्वीप नजिक पुगेको छ । पाँच खेलको श्रृंखलाको चौथो खेल ४ विकेटले जितेर इङल्याण्डले श्रृंखलामा ४–० को अग्रता लिएको हो ।
हेडिङलेको लिड्स मैदानमा बिहीबार राति खेलमा पहिले व्याटिङ गरेको पाकिस्तानले ५० ओभरमा ८ विकेट गुमाएर २४७ रन बनायो । कप्तान अजहर अलीले ८० रन तथा ईमाद वासिमले ४१ बलमा अविजित रहँदै ५७ रन जोडे । अदिल रसिदले विकेट लिए ।
जवाफमा इङल्याण्ड ४८ ओभरमा ६ विकेटको क्षतिमा विजयी भयो । इङ्ल्यान्डको जीतमा बेन स्टोक्सको ६९ रन तथा जोनी बेयरस्ट«को ६१ रन महत्वपूर्ण रह्यो ।
मोहम्मद इर्फानले २ विकेट झारे ।
अन्तिम खेल कार्डिफमा आइतबार हुनेछ । अन्तिम खेल दुवै टिमका लागि दबाबपूर्ण हुनेछ ।
