काठमाडौं । नागरिक लगानी कोषमा भएको आधिकारिक ट्रेड युनियन निर्वाचनमा नेपाल वित्तिय संस्था कर्मचारी संघ बिजयी भएको छ । शुक्रबार भएको निर्वाचनमा संघ बिजयी भएको हो । संघ नेपाली काँग्रेस निकट कर्मचारीहरुको संस्था हो । यसको कार्यकाल २ बर्ष रहेको छ ।
कुल १ सय ६ मतदाता रहेको सो निर्वाचनमा १ सय ५ मत खसेको थियो । जसमा संघले ५५ मत प्राप्त गरी बिजयी भएको हो । प्रतिपक्षी ट्रेड युनियन नागरीक लगानी कोष कर्मचारी युनियनले ४४ प्राप्त गरेको थियो । युनियनको प्यानलमा भने एमाले र माओवादी केन्द्रको संयुक्त उम्मेद्वार खडा भएका थिए । ६ मत बदर भएको निर्वाचन अधिकृत पोषण राज लामिछानेले बताए ।
सो अवसरमा नव नियुक्त अध्यक्ष पर्शुराम गिरीले सबै कर्मचारीको जित भएको बताउदै कोषमा रहेका विभिन्न समस्या समाधान गर्न पहल गर्ने बताए । उनले प्रतिवद्वता पत्रमा उल्लेख गरेका सबै बिषयहरुलाई तत्काल कार्यान्वयन तर्फ लैजाने धारणा ब्यक्त गरे ।
गिरीको अध्यक्षतामा गठित प्रस्तावित कार्य समितिको उपाध्यक्षमा प्रदिप अधिकारी, महासचिवमा देव गुरागाई र कोषाध्यक्षमा धनु प्रसाद कुइकेल रहेका छन । त्यस्तै सदस्यहरुमा राजु भुर्तेल, श्यामलाल श्रेष्ठ, रामेश्वर मिश्र,हरिहर गुरागाई, अनिल बस्नेत, दुर्गा बहादुर मगर र निशा लामिछाने रहेका छन् ।
