काठमाडौं। राष्ट्रपति विद्यादेवी भण्डारीले हरितालिका तीजको अवसरमा आइतबार साँझ पशुपतिनाथको दर्शन गरेकी छन् ।
राष्ट्रपति भण्डारी पशुपतिमा पुग्दा दर्शनका लागि लामबद्ध महिलाले हात हल्लाएर स्वागत गरेका थिए ।
राष्ट्रपति भण्डारीलाई पशुपति क्षेत्र विकास कोषका सञ्चालक परिषद सदस्य एवम् कर्मचारीले मन्दिरको पश्चिमद्वारअघि स्वागत गरेका थिए ।
मन्दिर घुमेर राष्ट्रपति भण्डारीले पशुपतिनाथको दर्शन गरेपछि मूलभट्ट पुराजरी गणेश भट्टबाट प्रसाद ग्रहण गरेको कोषका सदस्य सचिव गोविन्द टन्डनले जानकारी दिए ।
तीजजकै अवसरमा प्रधान न्यायाधीश सुशीला कार्कीले समेत दिउँसो पशुपतिनाथको दर्शन गरी प्रसाद ग्रहण गरेकी थिइन् ।
