कार्डिफ । इङल्याण्डविरुद्धको पाँचौं तथा अन्तिम एक दिवसीय क्रिकेटमा शानदार ४ विकेटको जित हासिल गर्दै पाकिस्तान क्लिनस्वीप हारबाट जोगिएको छ ।
कार्डिफमा भएको खेलमा ३०३ रनको कठिन चुनौती पाकिस्तानले ४८.२ ओभरमा ६ विकेट गुमाएर पूरा गर्यो ।
सर्फराज अहमद र सोइब मल्लिकले चौथो विकेटका लागि १६३ रनको साझेदारी गरेसंगै पाकिस्तानले सहज जित हासिल गरेको हो ।
सो क्रममा अहमदले ७३ बलमा ९० तथा मलिकले ८० बलमा ७७ रन जोडे । यसअघि ७७ रन जोड्दा पाकिस्तानले ३ विकेट गुमाइसकेको थियो ।
खेलमा इङल्याण्डले पहिले ब्याटिङ गर्दै ९ विकेटको क्षतिमा ३०२ रन बनाएको थियो ।
जासन रोयले ८७ तथा बेन स्टोक्सले ७५ रन जोडेका थिए ।
यो खेलसंगै इङल्याण्डले पाँच खेलको श्रृंखला ४–१ ले जितेको छ ।
सर्फराज म्यान अफ द म्याच बन्दा इङल्याण्डका जो रुट म्यान अफ द सिरिज भएका छन् ।
