काठमाडौं । सन् २०१८ को विश्वकप फुटबलका लागि भइरहेको छनोट खेलमा जर्मनी र इङल्याण्डले विजयी सुरुवात गरेका छन् । जर्मनीले नर्वेलाई ३–० ले हरायो ।
जर्मनीलाई जिताउन थोमस मुलरले दुई तथा जोसुवा किमरिकले एक गोल गरे । युएफा समूह सी अन्तर्गत यो खेलपछि जर्मनी र अजरवैजानको समान ३–३ अंक भएको छ ।
अजरवैजानले सानमारिनोलाई १–० ले हरायो । चेक गणतन्त्र र नर्दन आयरल्याण्डले भने गोलरहित बराबरी खेलेका छन् ।
त्यस्तै समूह एफको खेलमा इङल्याण्डले स्लोभाकियालाई १–० ले हरायो । इङल्याण्डलाई उद्धार गर्ने क्रममा एडम लालानाले अन्तिम मिनेटमा गोल गरेका थिए ।
यसअघि ५७ औं मिनेटमा मार्टिन स्कर्टेल दोहोरो पहेंलो कार्ड खाएर बाहिरिएपछि स्लोभाकिया १० जनामा समेटिएको थियो ।
यो समूहका अन्य खेलमा स्कटल्याण्डले माल्टालाई ५–१ ले हराउँदा स्लोभेनिया र लुथिनियाले २–२ को बराबरी खेले ।
अंकतालिकामा स्कटल्याण्ड गोलअन्तरमा अगाडि छ भने इङल्याण्ड दोस्रो स्थानमा छ ।
