बाजल । विश्वकप छनोट फुटबल अन्तर्गत युएफा क्षेत्रको खेलमा युरो कप च्याम्पियन पोर्चुगललाई झड्का लागेको छ । सदावहार एवं विश्वकै नम्बर एक स्ट्राइकर क्रिष्टियानो रोनाल्डो घुँडाको चोटका कारण खेल्न नसकेको खेलमा पोर्चुगल स्वीट्जरल्याण्डसंग २–० ले पराजित भएको हो ।
साल्के स्ट्राइकर ब्रिल इम्बोलोले खेलको २४ औं मिनेटमा र बायर्न लिभरकुजेनका एड्मिर मेहमेदीले ३० औं मिनेटमा गोल गर्दै पोर्चुगललाई नराम्रो झड्का दिएका हुन् ।
खेलको अन्त्यमा स्वीस मिडफिल्डर ग्रानिट जाका दोहोरो पहेंलो कार्ड खाँदै बाहिरिए पनि पोर्चुगललाई त्यसको कुनै फाइदा हुन सकेन ।
युएफा समूह बी को अन्य खेलमा हंगेरी र फारोइ आइसल्याण्डले गोलरहित बराबरी खेल्दा लात्भियाले एन्डोरालाई १–० ले हराएको छ ।
