-
-
-
-
काठमाडौं । तिहारको अवसर पारेर फ्लोरिकल्चर एशोसिएशन नेपालले १५ औँ गोदावरी पुष्प मेला बिहीबारदेखि ललितपुरस्थित जावलाखेलको खेल मैदानमा आयोजना गरेको छ ।
‘रोपेर फूल गोदावरी, सजाऔँ घरआगँन वरिपरि’ भन्ने मूल नाराका साथ आजदेखि ४ दिनसम्म फूलको प्रतियोगिता तथा प्रदर्शनी व्यापार मेला शुरू भएको हो ।
एशोसिएशनले फूलको सहज उपलब्धता गराउन तथा गोदावरी फूलको व्यवसायिक प्रवर्द्धन गर्ने उद्देश्यका साथ मेला आयोजना गरिएको जनाएको छ ।
प्रदर्शनीमा ४९ वटा व्यवसायिक स्टल, दुई वटा प्रतियोगितात्मक स्टल र चार वटा सूचनामुलक स्टल गरी जम्मा ५५ वटा प्रदर्शनी कक्षहरु छन् ।
