लण्डन । इङलिश प्रिमियर लिग फुटबलमा लेस्टर सिटी जसरी आयो त्यसरी नै जाने खतरा बढेको छ । अर्थात् साविक विजेता लेस्टर गत सिजन प्रिमियर लिगमा चढेर उपाधि नै जित्यो । तर अहिले त्यसको चार्म घट्दै गएको छ ।
खेल खस्किने क्रममा शनिबार राति भएको चौथो चरणको खेलमा लेस्टर लिभरपुलसंग ४–१ ले पराजित भयो । लिभिरपुलका लागि रोबर्टो फर्मिनोले दुई गोल गर्दा लेस्टरका जेमाइ भर्डीले सान्त्वना गोल फर्काए ।
लिगका अन्य खेलमा वाट्फोर्टले वेष्टह्यामलाई ४–२ ले, टोटनह्यामले स्टोकसिटीलाई ४–० ले, क्रिष्टल प्यालेसले मिडिल्सब्रोलाई २–१ ले, आर्सनलले साउथह्याम्पटनलाई २–१ ले तथा बर्नमाउथले वेष्टब्रोमलाई १–० ले हरायो ।
म्यानचेष्टर डर्बीमा म्यानचेष्टर सिटीले म्यानचेष्टर युनाइटेडलाई उसकै मैदानमा २–१ ले हरायो ।
