नोउ क्याम्प । स्पेनिश लिग ला लिगा फुटबलमा रियल मड्रिडले शानदार जित हासिल गर्दा बार्सिलोना भने घरेलु मैदानमै पराजित भएको छ ।
रियल मड्रिडले घरेलु मैदानमा ओसासुनालाई ५–२ ले हरायो । क्रिष्टियानो रोनाल्डो टिममा फर्किएको खेलमा रोनाल्डोले छैटौं मिनेटमै गोल गर्दै रियललाई अग्रता दिलाए ।
भाग पु-याउने गरी गोल भएको खेलमा त्यसपछि डानिलो, सर्जियो रामोस, पेपे र लुकाले एक एक गोल गरे । ५–० ले पछि परेको ओसासुनाले त्यसपछि भने दुई गोल थपेको थियो ।
बार्सिलोनाले भने घरेलु मैदानमै कमजोर टिम एल्भेससंग २–१ को हार बेहो¥यो । खेलमा बार्सिलोनाका लागि येरेमी माथ्युले सान्त्वना गोल गरेका थिए ।
यो हारले भने बार्सिलोनाले लय गुमाएको खेलकुद विज्ञहरुले टिप्पणी गर्न थालेका छन् ।
ला लिगाका अन्य खेलमा सेभिल्लाले लस पल्मसलाई २–१ ले, भिल्लारियलले मालागालाई २–० ले तथा एथलेटिको मड्रिडले सेल्टाभिगोलाई ४–० ले हरायो ।
लिगमा ३ खेलबाट ९ अंकको रियल मड्रिड शीर्ष स्थानमा छ भने सेभिल्ला ७ अंकबाट दोस्रो, ६ अंकको लस पल्मस तेस्रो तथा ६ अंकबाटै बार्सिलोना चौथो स्थानमा झरेको छ । बार्सिलोनालाई हराएको एल्भेसको ५ अंक छ ।
