लण्डन । बेल्जियन स्ट्राईकर रोमेलु लुकाकुले ११ मिनेटको अन्तरालमा ह्याट्रिक गरेपछि इङ्लिश प्रिमियर लिग फुटबलमा एभर्टनले सण्डरल्याण्डलाई ३–० ले हराएको छ ।
सण्डरल्याण्डको मैदानमा भएको खेलको को पहिलो हाफ गोलरहित बराबरीमा सकिएको थियो । तर दोस्रो हाफमा लुकाकु नायक बने ।
६० औं मिनेटमा पहिलो गोल गरेका लुकाकुले ६८ औं मिनेटमा दोस्रो तथा ७१ औं मिनेटमा तेस्रो गोल गर्दै ह्याट्रिक पूरा गरे ।
लुकाकुले जारी सिजनको इङ्लिश प्रिमियर लिग फुटबलमा गोलको खाता खोल्ने क्रममै ह्याट्रिक गरेका हुन् । यसअघि पहिलो हाफमा लुकाकु र जेर्माइन डेफोले गोल गर्ने थुप्रै अवसर गुमाएका थिए ।
यो जितसँगै एभर्टन प्रिमियर लिगको अंक तालिकामा तेस्रो स्थानमा उक्लिएको छ ।
एभर्टनको ४ खेलबाट १० अंक छ भने समान १० अंक जोडेको चेल्सी गोलअन्तरका आधारमा दोस्रो स्थानमा छ । शीर्ष स्थानको म्यानचेष्टर सिटीको १२ अंक छ ।
म्यानचेष्टर सिटीसंग पराजित भएको म्यानचेष्टर युनाइटेडको ९ अंक छ ।
