काठमाडौं । युएफा च्याम्पियन्स लिग फुटबल प्रतियोगिता मंगलबार रातिदेखि सुरु हुँदैछ । राति साढे १२ बजे विभिन्न ८ खेल हुँदैछन् । समूहको ए को खेलमा फ्रान्सको पेरिस सेन्ट जर्मेन पिएसजी र इङ्ल्यान्डको आर्सनल तथा स्वीट्ल्याण्डको एफसी बाजलले बुल्गेरियाको लुदोगोरेट्स राजगार्डसँग खेल्नेछ ।
त्यसैगरी समूह बी का खेलहरुमा पोर्चुगलको बेनेफिका र टर्कीको बेसिक्तास तथा युक्रेनको डाइनामो किभ र ईटालीको नापोली खेल्दैछ ।
समूह सी को खेलमा स्पेनको बार्सिलोनाले स्कटल्याण्डको सेल्टिकसंग तथा इङ्ल्यान्डको म्यानचेष्टर सिटीले जर्मनीको बोरुसिया एम्ब्याचसँग खेल्नेछ ।
त्यस्तै समूह डी को खेलमा जर्मनीको बायर्न म्युनिखले र रुसको एफसी रोस्तोभसंग तथा नेदरल्याण्डस्को पीएसभी आइन्डहोभन र स्पेनको एथ्लेटिको मड्रिड भिड्ने कार्यक्रम छ ।
यो प्रतियोगितालाई युरोेपेली क्लव फुटबलको सबैभन्दा ठूलो प्रतियोगिता मानिन्छ ।
