रोटरडम । इङलिश फुटबल क्लव म्यानचेष्टर युनाइटेडलाई एकपछि अर्को झड्का लागेको छ । होजे मौरिन्होले सम्हालेको टिमले अपराजित यात्रालाई निरन्तता दिने अपेक्षा गरिएका बेला प्रिमियर लिगमा घरेलु मैदानमै म्यानचेष्टर सिटीसंग हारेदेखि मनोवल गिरेको म्यानचेष्टर युनाइटेडले युरोपियन क्लब फुटबलको दोस्रो ठूलो प्रतियोगिता युरोपा लिगमा पनि खराव सुरुवात गरेको छ ।
म्यानचेष्टर नेदरल्याण्डस्को फेयनुर्डसंग पराजित भयो ।
रोटरडम मैदानमा बिहीबार राति भएको खेलमा घरेलु टोली १–० ले विजयी भयो । टोनी भिल्हेनाले ७९ औं मिनेटमा गरेको गोल नै निर्णायक गोल बन्यो ।
मौरिन्होले म्यानचेष्टर सिटी विरुद्ध मैदानमा उतारेका पहिलो रोजाइका ११ मध्ये ८ खेलाडीलाई परिवर्तन गरी नौलो अभ्यासका साथ मैदानमा उतारले पनि म्यानचेष्टर युनाइटेडलाई जिताउन सकेनन् ।
हारपछि पनि मौरिन्होले म्यानचेष्टर युनाइटेड सधै नियन्त्रणमा रहेको स्पष्ट पारेका छन् ।
युरोपा लिग फुटबलमा अर्को इङ्लिश क्लब साउथह्याम्पटनले भने चेक गणतन्त्रको स्पार्टा प्रागलाई ३–० ले हराउँदै युरोपा लिगमा विजयी सुरुवात गरेको छ ।
त्यस्तै ग्रीसको ओलम्पियाकोस, बेल्जियमको एन्डरलेच्ट, जर्मनीको साल्का, स्पेनको भिल्लारिय तथा नेदरल्याण्डस्को आयाक्सले पनि विजयी सुरुवात गरेका छन् ।
