इत्तिहाद स्टेडियम । इङलिश प्रिमियर लिग फुटबलमा म्यानचेष्टर सिटीको सतप्रतिशत नतिजा कायमै रहेको छ । पाँचौं खेलमा घरेलु मैदानमा म्यानचेष्टर सिटीले एएफसी बर्नमाउथलाई ४–० को फराकिलो अन्तरले हरायो ।
१५ मिनेटको समयदेखि गोल गर्न थालेको म्यानचेष्टर सिटीले ६६ मिनेटसम्म चार गोल गरिसकेको थियो ।
म्यानचेष्टर सिटीका लागि केभिन डे बु्रने, केलिची, रहिम स्टलिङ र गुइन्डोगानले एक एक गोल गरे ।
योसंगै लिगमा पेप ग्वार्डिओलाको सतप्रतिशत जादू कायमै रहेको छ ।
८६ औं मिनेटमा भने स्पेनी खेलाडी नोलिटोले बर्नमाउथका एडम स्मिथलाई टाउकोले ठोक्याएपछि रातो कार्ड खाएर बाहिरिनु परेको थियो ।
लिगका अन्य खेलमा आर्सनलले हल सिटीलाई ४–१ ले, साविक विजेता लेस्टर सिटीले बर्नलेलाई ३–० ले, वेष्टब्रोमले वेष्टह्याम युनाइटेडलाई ४–२ ले हरायो ।
