काठमाडौं । प्रिमियर लिग अन्तर्गत आइतबार राति चार खेल हुँदै छन् । पहिलो खेलमा म्यानचेस्टर युनाइटेडले वाट्फोर्डसंग खेल्दै छ । खेल नेपाली समय अनुसार बेलुकी ४ः४५ बजे सुरु हुनेछ ।
४ खेलबाट ९ अंकका साथ तालिकाको छैठौं स्थानमा रहेको म्यानचेस्टर युनाइटेड यो खेलमा अनुकुल नतिजा निकाल्दै अंक तालिकाको तेस्रो स्थानमा उक्लने दाउमा छ ।
अघिल्लो खेलमा म्यान्चेस्टर सिटीसँग पराजित भएसँगै युनाइटेडको अपराजित यात्रा कायम राख्ने सपनामा पूर्णविराम लागेको थियो ।
अब युनाइटेडले बाँकी खेलहरुमा अनुकुल नतिजा निकाल्दै अंक तालिकामा माथि उक्लिने रणनीति अपनाउँदै छ ।
आइतबार नै हुने दोस्रो खेलमा क्रिस्टल प्यालेसले स्ट्रोक सिटीको सामना गर्देछ । खेल बेलुकी ७ बजे सुरु हुनेछ । ७ बजे नै हुने अर्को खेलमा साउथ ह्यान्टमले स्वान्सी सिटीको सामना गर्दैछ ।
यस्तै आइतवार हुने अन्तिम खेलमा टोटनह्यामले सण्डरल्याण्डसंग खेल्दै छ । खेल राति ९ः१५ बजेपछि सुरु हुनेछ ।
