बाग्लुङको रिग्लाङमा पहिरो : एकै परिवारका चारको मृत्यु, ‘गंगाधरको न घर रहयो न परिवार’

प्रकाशित मिति : २०७३ असोज ३ सोमबार
बाग्लुङ । बाग्लुङको बुङ्गादोभान गाविस –४ रिग्लाङमा पहिरोसंग खसेको ढुंगाले घर च्यापिँदा एकै परिवारका चार जनाको मृत्यु भएको छ । विहान करिब ४ बजेतिर आएको पहिरोमा सो हताहती भएको जिल्ला प्रहरी कार्यालय बाग्लुङले जनाएको छ ।
 
रिग्लाङमा हरको गंगाधर रोक्काको घर पहिरोसंग आएको ढुंगाले च्यापिँदा गंगाधरकी श्रीमती ३८ वर्षीया भीमकुमारी रोक्का, १४ वर्षीया छोरी, इन्द्रकुमारी, ९ वर्षीया छोरी, मायादेवी र १२ वर्षीय छोरा इन्द्रजीत रोक्काको मृत्यु भएको हो ।
 
राति सुतिरहेको समयमा आएको पहिरोमा परी उनीहरुको मृत्यु भएको प्रहरी प्रमुख एसपी चक्रबहादुर सिंहले जानकारी दिए । पहिरोले घर पूर्ण रुपमा क्षतविक्षत भएको छ भने, पशु–पंक्षी पनि नासिएका छन् ।  
 
गंगाधर रोक्काको भने केही वर्ष अघि नै देहान्त भएको बताइएको छ । घटनास्थल बुर्तिबाङबाट टाढा छ भने, बुङ्गादोभानबाट रिग्लाङ जान डेढ घण्टा पैदन लाग्द छ । 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ