भद्रपुर। जिल्ला विकास समितिले आव २०७२/७३ मा ५३ हजार ३६९ जनालाई रु ४८ करोड ५४ लाख ५१ हजार सामाजिक सुरक्षा भत्ता वितरण गरेको छ ।
ज्येष्ठ नागरिक २८ हजार ३०० लाई ३१ करोड ७४ लाख ३८ हजार, ज्येष्ठ नागरिक (दलित) १ हजार ७७२ लाई १ करोड ५ लाख ६ हजार, विधवा १४ हजार ४५ जनालाई ८ करोड ४० लाख, पूर्ण अपाङ्गता भएका ९ सय ६४ जनालाई १ करोड १४ लाख १२ हजार र आंशिक अपाङ्ग ८० जनालाई रु ४ लाख १२ हजार वितरण गरेको छ ।
यसैगरी अतिअशक्त ४ सय २५ जनालाई २६ लाख ५६ हजार, लोपोन्मुख आदिवासी/जनजाति २ हजार २ सय १४ जनालाई ५ करोड ३८ लाख ८० हजार र पाँच वर्ष मुनिका दलित बालबालिका १ हजार ५ सय १० जनालाई ५१ लाख ३७ हजार भत्ता वितरण गरेको कार्यालयले जनाएको छ । रासस