जेरुसेलम । इजरेली प्रधानमन्त्री बेन्जामिन नेतान्याहूले विगत दुई दिनमा जेरुसेलममा प्यालेस्टेनीहरूले दुईवटा छुट्टाछुट्टै आक्रमण गरेपछि बलियो र छिटो जवाफ दिने वाचा गरेका छन् ।
इजरेली सेनाले कब्जा गरेको वेस्ट बैंकमा गरेको आक्रमणमा नौ जनाको मृत्यु भएपछि नेतान्याहूले उक्त वाचा गरेका हुन् । सुरक्षा मन्त्रिपरिषद्को बैठक अघि उनले आतंकसँग लड्न नयाँ उपायहरू खोज्ने बताएका थिए ।
इजरेली सेनाले पनि कब्जा गरेको वेस्ट बैंकमा सेनाको संख्यालाई सुदृढ गर्ने बताएको छ । वेस्ट बैंकमा इजरेली सेनाले १० प्यालेस्टाइनीको हत्या गरेका उक्त क्षेत्रका अधिकारीहरूले बताएका छन् ।
उत्तरी सहर जेनिनको भीडभाड शरणार्थी शिविरमा छापा मार्ने क्रममा वेस्ट बैंकमा विस्फोट र आक्रमणमा उनीहरुको मृत्यु भएको हो । विस्फोटपछि सडकहरूमा बन्दुकको गोली चलेको आवाज सुनिएको थियो ।
९ जनाको मृत्यु आतंकवादविरोधी अभियानका रुपमा गरिएको कारबाहीमा भएको इजरेली सेनाले जनाएको छ ।
यसैबीच, पूर्वी जेरुसेलममा प्रार्थनासभामा भेला भएका व्यक्तिमाथि एक प्यालेष्टिनी बन्दुकधारीले आक्रमण गर्दा सात जना मारिएका छन् भने तीन जना घाइते भएका छन् ।
नेभ याकोभस्थित प्रार्थनास्थलमा भएको हमलामा ७ जना मारिएका प्रहरीले जनाएको छ । प्रहरीले सो आक्रमणलाई आतंकवादी भनेको छ ।
