लण्डन । इङ्लिश लिग कप फुटबल प्रतियोगिताको चौथो चरणमा इङलिश प्रिमियर लिग फुटबलका सबैभन्दा ठूला प्रतिद्धन्द्धी म्यानचेष्टर युनाइटेड र म्यानचेष्टर सिटी भिड्ने भएका छन् । गत हप्तामात्र म्यानचेष्टर सिटीसंग घरेलु मैदानमा प्रिमियर लिगमा हारेको बदला लिन म्यानचेष्टर युनाइटेडलाई राम्रो अवसरसमेत मिलेको छ ।
बुधबार राति भएको तेस्रो चरणको खेलमा म्यान्चेस्टर युनाइटेडले नर्थह्याम्पटन टाउनलाई ३–१ ले हरायो ।
म्यानचेष्टर युनाइटेडका लागि माइकल क्यारिक एण्डर हरेरा र मार्कस रास्फोर्डले १–१ गोल गरे ।
त्यस्तै म्यानचेस्टर सिटीले स्वान्सी सिटीलाई २–१ ले हरायो । म्यानचेष्छर सिटीको जितमा गेइल क्लिसी र एलेक्स गार्सियाले १–१ गोल गरे ।
त्यस्तै टोटनह्याम हट्सपरले गिलिङ्घमलाई ५–० ले, हल सिटीले स्टोक सिटीलाई २–१ ले, सण्डरल्याण्डले क्विन्स पार्क रेन्जर्सलाई २–१ ले, वेष्टह्याम युनाइटेडले एक्रिङटन स्टेन्लीलाई १–० ले, साउथह्याम्पटनले क्रिष्टल प्यालेसलाई २–० ले तथा ब्रिस्टोल सिटीले फुल्हमलाई २–१ ले हराउँदै चौथो चरणमा प्रवेश गरेका छन् ।
