लण्डन । इङलिश प्रिमियर लिग फुटबलमा आर्सनलले शानदार जित हासिल गरेको छ । शनिबार राति घरेलु मैदानमा खेलेको आर्सनलले बलियो प्रतिद्धन्द्धी चेल्सीमाथि ३–० को स्पष्ट जित हासिल गरेको हो ।
मध्यान्तरअघि नै तीन गोल गरिसकेको आर्सनलका लागि एलेक्सिस सान्चेज, थियो वाल्कोट र मेसिट ओजिलले गोल गरे । यो हारले भने चेल्सी अझै पछाडि धकेलिएको छ ।
जितसंगै आर्सनल १३ अंकसहित तेस्रो स्थानमा उक्लिएको छ ।
शनिबार रातिको खेलमा विजयी हुँदै म्यानचेष्टर सिटी एकमात्र सत्प्रतिशत नतिजाका साथ शीर्ष स्थानमा कायमै छ । म्यानचेष्टर सिटीले स्वान्सी सिटीलाई उसकै मैदानमा ३–१ ले हरायो ।
जितसंगै म्यानचेष्टर सिटीको १८ अंक भएको छ ।
त्यस्तै लिभरपुलले हल सिटीलाई ५–१ ले, टोटनह्याम हट्सपरले मिडिल्सब्रोलाई २–१ ले हरायो ।
जितसंगै टोटनह्यामले ६ खेलबाट १४ अंक बटुल्दै आफूलाई दोस्रो स्थानमा पु¥याएको छ ।
१३ अंकबाट लिभरपुल चौथो तथा एभर्टन पाँचौं स्थानमा रहँदा शनिबार लेस्टर सिटीलाई ४–१ ले हराएको म्यानचेष्टर युनाइटेड १२ अंकसहित छैटौं स्थानमा छ ।
