काठमाडौं । जारी एभरेष्ट प्रिमियर लिग इपीएल क्रिकेटमा बसन्त रेग्मी नेतृत्वको कान्तिपुर गोर्खाजले विजयी सुरुवात गरेको छ ।
आइतबार कीर्तिपुर मैदानमा भएको दोस्रो खेलमा कान्तिपुरले विनोद भण्डारीले कप्तानी गरेको सगरमाथा लिजेण्ड्सलाई ७ विकेटले हराउँदै विजयी सुरुवात गरेको हो ।
आइतबार भएको पहिलो खेलमा जगदम्बा राइनोजलाई ६ विकेटले पराजित गर्दै पञ्चकन्या तेजले समेत लिगमा विजयी सुरुवात गरेको छ ।
यस्तै, कान्तिपुरले सगरमाथाले दिएको एक सय २५ रनको चुनौती ३० बल बाँकी छँदै पार गर्यो । उसले १५ ओभर खेल्दै ३ विकेट गुमाएर चुनौती पार गरेको हो ।
कान्तिपुरका लागि प्रदीप ऐरीले ५५ रन बताए । उनले ३९ बलमा २ छक्का र ७ चौकाको मद्दतले सबै भन्दा बढी रन बनाए । यस्तै, सुवास खकुरेलले ३५, अनिल साहले अविजित १४ रन बनाए । बलिङतर्फ राहुल विश्वकर्माले ३ विकेट लिए ।
टस हारेर पहिले व्याटिङ गरेको सगरमाथाले निर्धारित २० ओभरमा ९ विकेट गुर्मार एक सय २४ रन बनायो । उसका लागि मेहबुव आलमले २३ र सुनील धमलाले २१ रनब बनाए । सगरमाथाको व्याटिङ ध्वस्त पार्न कान्तिपुरका कप्तान बसन्त रेग्मी एक्लैले ३ विकेट लिए । यस्तै, सन्तोष भट्ट र ललित भण्डारीले समान २–२ विकेट लिँदा अभिनाश बोहरा र ललित राजवंशीले समान १–१ विकेट लिए ।
विनोदको टोलीमा राष्ट्रिय टिममा खेलेकाहरुको वर्चश्व छ भने, राष्ट्रिय टोलीका प्रशिक्षक
जगत टमाटाको साथ समेत विनोदलाई नै छ । बसन्त आफै चम्केको खेलमा शानदार जित निकाले ।
