काठमाडौं । युरोपेली क्लव फुटबलको सबैभन्दा ठूलो प्रतियोगिता युएफा च्याम्पियन्स लिग फुटबले अन्तर्गत समूह चरणका दोस्रो लेगका खेल मंगलबार राति हुँदैछन् । मंगलबार राति हुने आठ खेल राति १२.३० बजेदेखि सुरु हुनेछन् ।
समुह ई को खेलमा रुसको सीएसकेए मस्को र इङ्ल्यान्डको टोटनह्याम हट्सपर तथा मोनाको र जर्मनीको बायर लिभरकुजेन खेल्ने कार्यक्रम छ ।
यसैगरी समुह एफ को खेलमा जर्मनीको बोरुसिया डर्टमण्डले स्पेनको रियल मड्रिडसँग तथा पोर्चुगलको स्पोर्टिङ सीपी र पोल्याण्डको लेजिया वार्स भिड्ने कार्यक्रम छ ।
त्यस्तै समुह जी को खेलमा डेनमार्कको एफसी कोपनहेगन र बेल्जियमको क्लब ब्रुज तथा इङ्ल्यान्डको लेष्टर सिटी र पोर्चुगलको एफसी पोर्टो खेल्नेछन् ।
समुह एच को खेलमा क्रोएसियाको डाइनामो जाग्रेब र इटालीको युभेन्टस तथा स्पेनको सेभिया र फ्रान्सको लियो भिड्ने छन् । बाँकी समुहका दोस्रो लेगका बाँकी आठ खेल बुधबार राति हुनेछन् ।
