श्रीमती बलात्कार मुद्दामा न्यायाधीश भुवन गिरीविरुद्ध पक्राउ पूर्जी

हाम्रा कुरा

प्रकाशित २०७९ चैत २२ बुधबार

काठमाडौं । जिल्ला अदालत कपिलवस्तुले न्याय परिषदमा कार्यरत न्यायाधीश भुवन गिरीविरुद्ध पक्राउ पूर्जी जारी गरेको छ । वैवाहिक जबरजस्ती करणी मुद्दामा उनीविरुद्ध पक्राउ पूर्जी जारी भएको हो ।

जिल्ला प्रहरी कार्यालय कपिलवस्तुले अदालतसमक्ष अनुसन्धानका लागि पक्राउ पूर्जी माग गरेको थियो । जसअनुसार अदालतले उनलाई पक्राउ गर्न आदेश दिएको हो ।

श्रीमती आरती रावलले आफूमाथि वैवाहिक बलात्कार भएको भन्दै कपिलवस्तु प्रहरीमा उजुरी दिएकी थिइन् । सोही उजुरीका आधारमा प्रहरीले न्यायाधीश गिरीविरुद्ध अनुसन्धानका लागि पक्राउ पूर्जी माग गरेअनुसार अदालतले दिएको हो ।