-
-
-
-
काठमाडौं । नेपालमा कोरोना भाइरसबाट लामो समयपछि एक जनाको मृत्यु भएको छ । स्वास्थ्य तथा जनसंख्या मन्त्रालयका अनुसार मंगलबार एक जनाको मृत्यु भएको हो ।
यसअघि गत पुसमा वीर अस्पतालमा एक जनाको ज्यान गएको थियो । कोरोना महामारी ह्वात्तै बढेसँगै संक्रमित थपिने क्रम पनि बढिरहेको छ ।
मंगलबार १०६ संक्रमित थपिएका छन् । जसमा ४७६ पीसीआर परीक्षणबाट ७४ तथा १ हजार ९६० एन्टिजेन परीक्षणबाट ३२ संक्रमित पाइएका हुन् ।
पीसीआर परीक्षणको १५.५५ प्रतिशत संक्रमित पाइएका हुन् । जम्मा ४८ जना संक्रमणमुक्त भएका छन् ।
सरकारले अपेक्षाअनुसार खोप भने वितरण गर्न सकेको छैन । मात्र ४२ हजार ४९७ जनाले खोप लगाएका छन् ।
काठमाडौं उपत्यकामा संक्रमित भएकामध्ये २४ जना संस्थागत आइसोलेसनमा, १३ जना आईसीयूमा तथा ५ जना भेन्टिलेटरमा रहेका छन् ।
पीसीआरका सक्रिय संक्रमितको संख्या ४६९ पुगिसकेको छ ।
नेपालमा छिमेकी देशमा भारतमा फैलिएको कोरोना भाइरसको नयाँ भेरियन्ट ओमिक्रोन एक्सबीबी १.१६ देखा परेको छ ।
भारतमा तीव्र रुपमा भाइरस फैलिइरहेको छ ।
