लण्डन । इङलिश प्रिमियर लिग फुटबलमा चेल्सीले सुधारोन्मुख प्रदर्शन गरेको छ । खराव लयबाट गुज्रिएको चेल्सीले शनिबार राति हल सिटीलाई उसकै मैदानमा २–० को जित निकाल्दै लिग तालिकामा आफूलाई सुधार गरेको हो ।
चेल्सीलाई जिताउन ६१ औं मिनेटमा विलियनले तथा ६७ औं मिनेटमा डिएगो कोस्टाले गोल गरे ।
जितसंगै चेल्सी ७ खेलबाट १३ अंक बटुल्दै लिग तालिकाको छैटौ स्थानमा पुगेको छ ।
त्यस्तै लिगको अर्को खेलमा लिभरपुलले स्वान्सी सिटीलाई उसकै मैदानमा २–१ ले हरायो । जितले लिभरपुल ७ खेलबाट १६ अंक बटुल्दै लिग तालिकाको दोस्रो स्थानमा उक्लिएको छ ।
शनिबार रातिका अन्य खेलमा सन्डरल्याण्डले वेष्टब्रोमसंग तथा वेष्टह्यामले मिडिल्सब्रोसंग १–१ गोलको बराबरी खेलेको छ । वाट्फोर्टले बर्नमाउथसंग २–२ को बराबरी खेलेको छ ।
