काठमाडौं। ईङ्लिश् प्रिमियर लिगमा आइतवार चार खेल हुँदैछन् । जसमा प्रिमियर लिगको हस्ती मानिने म्यानचेस्टर युनाइटेड, आर्सनल र म्यानचेस्टर सिटीको खेल रहेको छ ।
पहिलो खेलमा म्यानचेस्टर युनाइटेडले स्ट्रोक सिटीको सामना गर्नेछ । खेल नेपाली समय अनुसार ४:४५ बजे सुरु हुनेछ । आजको खेलमा पनि युनाइटेडले आफ्नो भरपर्दो स्ट्राइकर रुनीको साथ गुमाउने भएको छ ।
६ खेलबाट ४ जितसहित १२ अंक बटुलेको युनाइटेड अंक तालिकाको सातौं स्थानमा छ । अहिलेसम्म एक खेल पनि जित्न नसकेको स्ट्रोक सिटी भने अंक तालिकाको पुछारमा छ ।
आइतवार नै हुने दोस्रो खेलमा साविक लिग विजेता लेस्टर सिटीले साउथह्यान्टमको सामना गर्नेछ । खेल ७ बजे सुरु हुनेछ ।
७ बजे नै सुरु हुने अर्को खेल अंक तालिकामा शिर्ष स्थानमा रहेको म्यानचेस्टर सिटी र टोटन्ह्यामबीच हुनेछ । जारी लिगमा सिटी शतप्रतिशत नतिजा निकाल्ने एकमात्र टोली हो भने टोटन्ह्याम पनि जारी लिगमा अपराजित टोली हो । टोटन्ह्याम अंक तालिकाको तेस्रो स्थानमा छ ।
९:१५ बजे सरु हुने अन्तिम खेलमा भने आर्सनलले बर्नलीको सामना गर्नेछ ।
