काठमाडौं । जारी ईङ्लिश् प्रिमियर लिगमा आर्सनलले बर्नलीमाथि १-० गोलको संघर्षपूर्ण जीत हात पारेको छ । आइतवार भएको खेलमा आर्सनलका लागि लउरेन्ट कोसेल्नीले इन्जुरी समयमा निर्णायक गोल गर्दे टोलीको जीत सुनिश्चित गरे ।
घरेलु टोली बर्नलीलाई अधिकांश समय दबावमा राखेको आर्सलनले थुप्रै गोल गर्ने अवसर गुमायो ।
जीतपछि सात खेलबाट १६ अंक जोड्दै आर्सनल अंक तालिकाको तेस्रो स्थानमा उक्लिएको छ । समान खेल खेलेको बर्नली भने ७ अंक जोड्दै तालिकाको चौधौं स्थानमा छ ।
आइतवार नै भएको अर्को खेलमा भने साविक लिग विजेता लेस्टर सिटीले साउथ ह्यान्टमसँग गोलरहित बराबरी खेलेको छ । बराबरीपछि अंक तालिकामा लेस्टर बाह्रौं स्थानमा छ भने साउथ ह्यान्टम दशौं स्थानमा छ ।
