एजेन्सी । विश्व फुटबलको सर्वोच्व निकाय फिफाका अध्यक्ष जीयानी इन्फान्टिनोले विश्वकप फुटबल फाइनलमा ४८ टोली सहभागिताको प्रस्ताव गरेका छन् । हाल विश्वकप फुटबल फाइनलमा ३२ टोलीको सहभागिता रहँदै आएको छ ।
४६ वर्षीय इन्फान्टिनोका अनुसार १६ टोली प्रारम्भिक नकआउट चरणबाट बारिने छन् भने बाँकी ३२ टोलीबीच हालकै संरचना अनुसार प्रतिस्पर्धा हुनेछ ।
इन्फान्टिनोले यसबारे सम्भावित निर्णय काउन्सिलको छलफलपछि आगामी जनवरीमा आउने बताए । उनले भने, ‘उचित समाधानको लागि यो उपाय राम्रो हो । हामी यसबारे यो महिनामा छलफल गर्छौ र सबै कुराको २०१७ सम्ममा टुंगो लगाउछौं ।’
विश्वकप ठूलो इभेन्ट भएको बताउँदै इन्फान्टिनोले फिफाको उद्देश्य विश्वभरी फुटबल विकास गर्ने रहेको बताए ।
