तुरिन । विश्वकप छनोट फुटबलमा इटाली र स्पेनले बराबरी खेलेका छन् । युएफा छनोटको समूह जी को खेलमा इटाली र स्पेनले १–१ गोलको बराबरी खेलेका हुन् ।
इटालीको मैदान तुरिनमा बिहीबार राति भएको खेलमा ईटालीका हस्ती जियानलुइगी बुफोनको कमै हुने गल्तीमा भिटोलोले गोल गर्दै खेलको ५५ औं मिनेटमा स्पेनले अग्रता लियो ।
तर ८२ औ मिनेटमा पाएको पेनाल्टीलाई सदुपयोग गर्दै डाइएल डे रोसीले गोल गरी इटालीलाई बराबरीमा ल्याए ।
खेलमा स्पेनका पाँच तथा इटालीका तीन खेलाडीले पहेंलो कार्ड पाएका थिए ।
यो बराबरीसंगै स्पेनले विश्वकप छनोटमा अपराजित यात्रालाई ५५ खेलको कीर्तिमानसम्म पु¥याएको छ ।
यो बराबरीसंगै समूह जी मा अल्बानिया दुई खेलबाट ६ अंकसहित शीर्ष स्थानमा छ भने समान ४ अंकसहित स्पेन दोस्रो तथा इटाली तेस्रो स्थानमा छ ।
३ अंकको इजरायल चौथो तथा अंकविहीन मेसेडोनिया र लिचेस्टेन पाँचौं र छैटौं स्थानमा छन् ।
बिहीबार रातिका खेलमा इजरायलले मेसेडोनियालाई २–१ ले तथा अल्बानियाले लिचेस्टेनलाई २–० ले हरायो ।
