काठमाडौं । विश्वकै चर्चित फुटबल स्टार लिओनल मेसी यतिबेला फुर्सदमा छन् । घाइते भएका कारण अर्जेन्टिनाले विश्वकप छनोट खेलिरहँदा उनी सहभागी हुन पाएका छैनन् ।
त्यस्तै व्यवसायीक खेलका क्रममा बार्सिलोनाले स्पेनी लिग र च्याम्पियन्स लिग खेल्दा पनि मेसी छैनन् ।
त्यसैले उनको समय घाइते ज्यान लिएर मस्ती गर्ने भएको छ । उनकी जीवनसाथी एन्टोनेला रोचुज्जोले बिहीबार राति छोरासंगै चलचित्र हेरेको तस्वीर सार्वजनिक गरेकी छिन् ।
२९ वर्षे मेसी फर्ममा फर्किन प्रयासरत छन् । निको हुन बित्तिकै उनी मैदानमा छिर्नेछन् । उनका साना छोरा थियागोले पनि चलचित्र हेरेर मस्ती गरेका छन् ।
आखिर एउटा चर्चित खेलाडीले घाइते भएको मौकामा परिवारसंग मुभी मस्ती गर्छ भने त्यसलाई नराम्रो भन्न पनि त मिलेन नि । कि कसो हो !
