काठमाडौं। ठूला करदाता सेवा कार्यालयका प्रमुख कर प्रशासक गोपाल प्रसाद घिमिरेले दशैं अनुभव हाम्राकुराको मेरो दशैं सेग्मेन्टमा बाड्नुभएको छ। प्रस्तुत छ सोहि कुराकानीको केहि अंशहरुः
प्रश्नः दशैं कहाँ मनाउँदै हुनुहुन्छ ?
जवाफः मैले २०६२ सालदेखि नै काठमाडौंमा नै दशैं मनाउन थालेको हुँ । पहिले त गाउँतिरै मनाईन्थ्यो तर अहिले सबै यतै आएपछि भने हामी गाउँ जान छाडेका छौं ।
प्रश्नः दशैंमा रमाइलोका लागि के गर्नुहुन्छ ?
जवाफः रमाइलो उमेर अनुसार पनि हुने रहेछ । मेरा छोराछोरीलाई हुने रमाइलो र मेरो उमेरकालाई एउटै हुँदैन । तर दशैंमा धेरैको घरमा तास खेले्को देखेको छु । आफू पनि शुरु शुरुमा रमाइलोका लागि परिवारसँग म्यारिज तास खेल्न्थ्यिो तर, मैले तास नखेलेको वर्षौ भईसक्यो । अहिले खेल्ने गरेको पनि छैन । चंगा उडाउन र पिङ खेल्न त बुढो भइयो ।
प्रश्नः दशैंमा मासु कत्तिको खानुहुन्छ ?
जवाफः मासु खान्छु । दशैंमा म विशेषगरी खसीकै मासु खान्छु ।
प्रश्नः दशैंको टीकामा कस–कसलाई पैसा दिनुहुन्छ, को–को बाट पैसा लिनुहुन्छ ?
जवाफः दशैं आत्मिय चाड हो । पारिवारिक मिलनको चाड हो । टीका टालो र दक्षिणा दिने कुरा प्रेमको प्रतिक हो । दिएर आफ्नो र खौरेर मसिनो कहाँ हुन्छ र । दशैंमा आफू भन्दा सानालाई पैसा दिईन्छ । तर पाउने ठाउँ एकदमै कम छ ।
प्रश्नः दशैंमा नयाँ लुगा किन्नुहुन्छ कि किन्नुहुन्न ?
जवाफः दशैं स्पेसल भनेर नयाँ कपडा खासै किनिने गरिएको छैन ।
