वेम्बले । विश्वकप छनोट फुटबलमा इङल्याण्डले विजयी नतिजा निकालेको छ । घरेलु मैदान वेम्बले रंगशालामा शनिबार राति भएको खेलमा इङल्याण्डले माल्टालाई २–० ले हराएको हो ।
एकतर्फी खेल खेलेको इङल्याण्डले खेलको २९ औं मिनेटमा डानियल स्टुरिज र ३८ औं मिनेटमा डेले अलकिो गोलबाट जित हासिल गरेको हो ।
७९ प्रतिशत खेल आफ्नो पक्षमा भए पनि इङल्याण्डले थप गोल भने गर्न सकेन । गोलका लागि एक दर्जन प्रहार गरे पनि केवल दुई वटामात्र सफल भएका हुन् ।
युएफा समुहको एफ मा रहेको इङल्याण्ड बाहेक स्लोभेनिया पनि विजयी भएको छ । स्लोभेनियाले स्लोभाकियालाई १–० ले हरायो ।
स्कटल्याण्ड र लिथुआनियाले १–१ को बराबरी खेलेका छन् ।
