मोङकक । विश्वकप छनोट महिला क्रिकेटको पहिलो खेलमा नेपाल पराजित भएको छ । एसियाली छनोट समूहको खेलमा नेपाल आयोजक हङकङसंग ६ विकेटले पराजित भएको हो ।
खेलमा पहिले ब्याटिङ गरेको नेपालले १९.२ ओभरमा अलआउट हुँदै ७७ रनमात्र जोड्यो । निर्धारित २० ओभरको खेलमा कमजोर ब्याटिङ गरेको नेपालका लागि निर्मला कुमारीले सर्वाधिक १८ रन जोडिन् ।
कप्तान रुबिना क्षेत्रीले १२ तथा रश्मी चौलागाईंले ११ रन बनाइन् । त्यसबाहेक कुनै पनि खेलाडीले दोहोरो अंकसमेत जोड्न सकेनन् ।
जवाफमा घरेलु मैदान मोङककको मिसन रोड ग्राउण्डमा खेलेको हङकङले १६.३ ओभरमा ४ विकेट गुमाएर जित हासिल ग¥यो ।
छनोटको आइतबारै भएको अर्को खेलमा थाइल्याण्डले चीनलाई ७५ रनको फराकिलो अन्तरले हरायो ।
थाइल्याण्डले १०७ रन बनाएकामा चीन भने ३२ रनमै समेटिएको थियो ।
