मोङकक । हङकङमा जारी विश्वकप छनोट महिला क्रिकेटको दोस्रो खेलमा नेपालले सोमबार थाइल्याण्डसंग खेल्दैछ ।
खेल नेपाली समयअनुसार बिहान ११.४५ बजे सुरु हुनेछ । एसियाली छनोट समूहको पहिलो खेलमा नेपाल आयोजक हङकङसंग ६ विकेटले पराजित भएकाले पनि थाइल्याण्डमाथि जित हासिल गर्नुपर्ने दबाब रहेको छ ।
थाइल्याण्डले भने पहिलो खेलमा चीनलाई ७५ रनले पराजित गरेको थियो ।
अर्को खेलमा सोमबार हङकङ र चीन खेल्दैछन् ।
एसियाली समूहमा यी चार राष्ट्रबीच आपसमा दुई दुई भिडन्त हुनेछ ।
