काठमाडौं । विश्वकप छनोट फुटबलमा अर्जेन्टिना लिओनल मेसी बिनाको घाइते टिमजस्तै भएको छ । घाइते भइ मेसी नखेलेपछि अर्जेन्टिनी फुटबल टिमले घाइते भएको छ । अर्जेन्टिनाले मंगलबार राति विश्वकप छनोटमा पाराग्वेसंग १–० को हार बेहो¥यो ।
खेलको १८ औं मिनेटमा डेर्लिस गोन्जालेजले गरेको गोल पाराग्वेलाई जिताउन निर्णायक बन्यो ।
निकै आक्रामण भएर खेले पनि पाराग्वेले थप गोल गर्न सकेन ।
अर्जेन्टनाका सर्जियो अगुएरोले गोल गर्नुको सट्टा ४८ औं मिनेटमा पहेंलो कार्ड खाएका थिए ।
अमेरिकी समूहको यो छनोटमा ब्राजिलको भने विजयी यात्रा कायमै छ । ब्राजिलले भेनेजुएलालाई २–० ले हरायो । ब्राजिललाई जिताउन गाब्रियल जिसस र विलियनले एक एक गोल गरे ।
त्यस्तै चिलीले पेरुलाई २–१ ले हरायो भने बोलिभियाले इक्वेडरसंग तथा कोलम्बियाले उरुग्वेसंग २–२ को बराबरी खेल्यो ।
यी खेलपछि १० खेलको समाप्तिसम्म ब्राजिल २१ अंकसहित शीर्ष स्थानमा छ भने उरुग्वे २० अंकसहित दोस्रो स्थानमा छ । तर अर्जेन्टिना भने १६ अंकसहित पाँचौं स्थानमा छ ।
