-
-
-
-
काठमाडौँ । स्पेन यूईएफए नेसन्स लिग फुटबलको फाइनलमा प्रवेश गरेको छ । बिहीबार राति भएको सेमिफाइनलमा इटालीलाई २–१ ले हराउँदै स्पेन फाइनलमा पुगेको हो ।
खेलको तेस्रो मिनेटमा एरेमी पिनोले गोल गर्दै स्पेनलाई शुरुआती अग्रता दिलाएका थिए । ११ औं मिनेटमा सिरो इमोबाइलले गोल गर्दै इटालीलाई १–१ गोलको बराबरीमा ल्याए ।
तर खेलको ८८ औं मिनेटमा जोसेलुले गोल गर्दै स्पेनलाई २–१ को जित दिलाए ।
अब स्पेनले उपाधिका लागि फाइनलमा क्रोएसियासँग प्रतिस्पर्धा गर्नेछ । क्रोएसियाले सेमिफाइनलमा नेदरल्याण्ड्सलाई ४–२ ले हराएको थियो । निर्धारित ९० मिनेटसम्म २–२ को बराबरी भएपछि थपिएको ३० मिनेटमा क्रोएसियाले दुई गोल थपेको थियो ।
फाइनल खेल आइतबार हुनेछ ।
