एजेन्सी । इङ्गलिश प्रिमियर लिग फुटबलमा चेल्सीले शानदार जित हासिल गरेको छ । घरेलु मैदान स्टामफोर्ड ब्रिजमा भएको खेलमा चेल्सीले गत सिजनको लिग विजेता लेस्टर सिटीलाई ३–० ले हराएको हो ।
चेल्सीलाई विजयी गराउन डिएगो कोस्टा, एडेन हाजार्ड र भिक्टर मोइसले समान एक–एक गोल गरे । जितसंगै चेल्सीले आठ खेलबाट १६ अंक बटुलेको छ ।
चेल्सीले शीर्ष स्थानको म्यान्चेस्टर सिटीसंग अंक दुरी समेत छोट्याएको छ । यद्यपि, महत्वपूर्ण अन्य खेल समेत रहेकाले लिग तालिकामा तलमाथि हुन सक्ने छ । शीर्ष स्थानको म्यान्चेस्टर सिटीको १८ अंक छ ।
