स्पेन । स्पेनिश लिग फुटबल ला लिगामा बार्सिलोनाले डेपोर्टिभोलाई ४–० को फराकिलो अन्तरले हराएको छ ।
घाइते अवस्थाबाट केही समय खेल्न नसकेका अर्जेन्टाइन स्ट्राइकर लिओनल मेसी टिममा फर्किएपछि घरेलु मैदानमा बार्सिलोनाले गोलको वर्षा गरेको हो ।
बार्सिलोनालाई जिताउन राफिन्हाले २ तथा लुइस सुवारेज र मेसीले १–१ गोल गरे ।
पराजित डेपोर्टिभोका लाउरेले रातो कार्ड खाएका थिए ।
यता, रियल मड्रिडले पनि रियल डर्बीको खेलमा गोलको वर्षा गरेको छ । रियल मड्रिडले रियल बेटिसलाई उसकै मैदानमा ६–१ ले हरायो ।
मड्रिडलाई आधा दर्जन गोलको वर्षा गराउने क्रममा इस्कोले ह्याट्रिक गरे ।
त्यस्तै करिम बेन्जेमा, क्रिष्चियानो रोनाल्डो र राफेल भरानेले एक एक गोल गरे ।
शनिबारकै अर्को खेलमा गोलको वर्षा गर्ने क्रममा एथलेटिको मड्रिडले लज्जास्पद हार दिलाउने क्रममा ग्रानाडालाई ७–१ ले हरायो ।
कारास्सोले ह्याट्रिक गरेको खेलमा जाइतानले दुई गोल थपे ।
त्यस्तै सेभिल्लाले लेगनेसलाई ३–२ ले हरायो । यो खेलपछि लिगमा एथलेटिकोको ८ खेलबाट १८ अंक भएको छ ।
दोस्रो स्थानको रियल मड्रिडको पनि १८ अंक नै भएको छ ।
त्यसतै सेभिल्लाको १७ तथा बार्सिलोनाको १३ अंक भएको छ ।
