टेलिकमको तार चोरेको आरोपमा क्लासिकको गाडी नियन्त्रणमा

हाम्रा कुरा

प्रकाशित २०८० असार ७ बिहिबार

काठमाडौँ । नेपाल टेलिकमको केबल चोरी कार्यमा संलग्न रहेको आरोपमा इन्टरनेट सेवा प्रदायक कम्पनी क्लासिक टेकको गाडी नियन्त्रणमा लिइएको छ ।

बालाजु प्रहरी वृत्तले क्लासिक टेकको बा १८ च ७७१३ नम्बरको गाडी सहित कर्मचारीलाई नियन्त्रणमा लिएको जनाएको छ । नेपालटार क्षेत्रमा प्रयोगमा रहेको करिब ८० मिटर कपर केबल चोरी भएको हो । एडीएसएल तथा ल्यान्डलाइन सेवाका लागि नेपालटार क्षेत्रमा टेलिकमले अझै कपर केबल प्रयोग गरिरहेको छ ।

स्थानीयले ३१ जेठ बिहानको समयमा तार चोरी गरी गाडीमा राखेको अवस्थामा फोटो खिचेर पठाएपछि सोही अनुसार सोही क्षेत्रमा उक्त गाडी फेला पारेपछि प्रहरीलाई खबर गरी नियन्त्रणमा लिएको हो ।