-
-
-
-
विराटनगर । कोशीका प्रदेश प्रमुख पर्शुराम खापुङले नयाँ सरकार गठनको आह्वान गरेका छन् । उनले नेपालको संविधानको धारा १६८ को उपधारा (२) अन्तर्गत दुई वा दुई भन्दा बढी दलको नेतृत्वमा सरकार गठनको आह्वान गरेका हुन् ।
खापुङले नयाँ सरकार गठनका लागि चार दिनको अर्थात् असार २१ गते साँझ ५ बजे सम्मको समय दिएका छन् । प्रदेशमा हिक्मतकुमार कार्की नेतृत्वको सरकार गत शुक्रबार ढलेको थियो ।
यसअघि एमालेले संविधानको धारा १६८ को उपधारा (२) को प्रयोग भइसकेको भन्दै सोही धाराको उपधारा (३) अनुसार ठूलो दलको नेतृत्वमा सरकार गठनको आह्वान हुनुपर्ने दाबी गर्दै आएको थियो ।
शुक्रबार मुख्यमन्त्री हिक्मतकुमार कार्कीले विश्वासको मत नपाएपछि कार्की नेतृत्वको सरकार ढलेको थियो ।
